ARQUEOLOGIA DEL TALHIÈR D'UN ARTISTA VIVANT...
UN « TAMIS » QUE VOS VÒL DE BEN

SUS LA PLAJA ABANDONADA

Un matin, sus una plaja de Güadalope, Gaëlle Chancerel a atal entreprés d’escavar metodicament lo talhièr de Juan Frutos, artista mexican, vengut son amic per los asards de la proximitat dels ostals e de las sensibilitats. Vesin, amic e largament empedegat dins dotze annadas d'accumulacion frenetica d’aquels petits rens que nurissan son òbra, a acceptat. L'arqueològa a delimitat una aira de 2 m² sus una nautor de 1m30. Aquel escapolon estratigrafic que a liurat 6000 vestigis, l'a descopat en tres periòdes : le Frutos ancian, lo Frutos mexican e lo Frutos evoluat. A daus uns còps visat la Mar Cariba, qu’escavava la plaja d'a costat, istòria de bufar un pauc.

AIMEM-NOS VIUS

A tanben belcòp escotat l'artista e a desgatjat de l’ondada de paraulas un camin, del Mexic a las Antilhas, en passant par França, dins las annadas 70.

De las ondas, de las èrsas e de las ondadas, a fai un libre que descriu un artista e son univèrs, tal que lo compren e que lo ressent, aicí e aurá.

L'obratge es vertadièrament somptuós, l'impression e lo rendut de las colors espatarrants, los tèxtes escalprats reussisson lo prodigi d'una granda clartat per sasir un calidoscòpi fulgurant. Òm rencontra l'artista, òm descobrís son òbra e òm se congòsta del compte-rendut dels escavaments, delicat, plen d'umor e jà autorusament preciós. Lo talhièr de Juan Frutos, aprèp dotze ans de vita intensa, es estat balajat per la tempèsta en 2005, juste aprèp los escavaments. Ne’n demòra pus ren.

D’avesat, aquò’s a partir d’aquel moment qu'òm comença a escavar, quand es tròp tard e qu'un molon d'informacions se son jà volatilisadas. A començar per la vita, sabètz, aquela causa complèxa qu'an coneguda tanben los esqueletas e que an tant de mal a nos contar.

Sofia Cattoire