Veire los reportatges videò Fotòs de l'article Estampar l'article Acuelh Barratz aquela fenèstra Veire los reportatges videò Estampar l'article Acuelh

JULIEN SARABEN, CULTIVATOR DE JARDINS SECRETS

L’exposicion Julien Saraben tòrna préner los 9, 10 e 11 d’agost jos lo mercat cobèrt de Albuga. Tres jorns per recobrar lo retard per los qu’an pas ‘gut l’escasença o la possibilitat de venir la veire en julhet. Retraça trenta annadas de recèrca picturala del pintre, gravaire e professor de dessenh, Julien Saraben, que s’acabet per la parucion de l’edicion originala del roman « Jacquou le Croquant » d’Eugène Le Roy chas l’editor perigordin Pierre Fanlac, en 1976. Un roman e de las illustracions majas que nos fan tornar en plena Restauracion, en Perigòrd. Una epoca mal coneguda mas finament estudiada per lo mèra de Albuga e istorian, Gérard Fayolle. Nos la descriu çai-après dins l’intrevista que nos a balhada. Aquela passion per « La Vita de cada jorn en Perigòrd del temps de Jacquou lo Croquant (« La Vie Quotidienne en Périgord au temps de Jacquou le Croquant »), titol de l’un de sos obratges paregut chas Fanlac en 1977, es lo legat espiritual de son professor de dessenh a l’Escòla Normala de Perigüers ? Una causa es segura : tots sos ancians escolans, aprendís regents venguts uèi d’onorables monsurs, conservan de l’artiste professor un sovenir admiratiu, esmogut e amistós. Tots consideran qu’a sabut lor transmetre l’apetís per las causas de l’art, aquela doçor qu’an tots cultivada dins lors jardins secrets e per lor pus grand bonaür. Escotatz lors testimonhatges dins los diferents reportatges d’aquela pagina.


Legir l'article sus Julien SARABEN

Copyright (c) Ferrassie-TV 2006 Fotòs | Somari