|
Los proprietaris d’aquela illustra taula, Anita e Paulò, avián en
efièch convidat òmes e femnas de l’endrech a testimonhar de lor umor e de
lor creativitat a l'ocasion d'una serada onte aquels monsurs èran
pregats de venir vestits en dònas.
Las femnas elas avián de lor costat adobat un desfilat de mòda
sabentament decalat a partir de vestits de recuperacion collectats per
l'associacion « los Petaçons ». Dans lor
local a Siurac, recupèran e tòrnan distribuir a gratís lo tròp
plen de petaçons precisament que braça nòstra bèla societat modèrna.
Sus aquela matèria primièra inagotabla, an fargat de las tengudas
excentricas e detonantas e se son presas al jòc, bravejant las
clamors de la Fola.
La sala atal arrosentida anava laidonc conéisser son segond tust : la primièra aparicion sur scèna, jos los projectors e l'uèlh de las Mappas cameràs, de « chippendales » perigordins « les Mappas »….
Coregrafia perfiècha, elegància naturala floretant jamai amb la
vulgaritat. Lo clau de l’espectacle : un accessòri imprevist qu’espiaretz pus jamai del meteis biais…. Mas ne’n direm pas
mai ! Tornatz trobar « les Mappas » dins las videòs de la segonda pagina
e tanben los melhors moments del desfilat de las « Femm'en Folies ». Un
grand moment per abordar aquela novèla annada e se reconciliar amb
lo genre uman.
Sofia Cattoire
|
