|
Segond desplaçament en uèit jorns sus los bòrds de la Granda Aiga. Una encinta clafida, lo grand estadi lo mai bèl e lo mièlhs adaptat al rugbí en Perigòrd, un public content, doas equipas de granda qualitat e al final, una fèsta que demorarà dins los esperits e l'istòria de l' A.S.B.B.
Fàcia a un grope brageiraqués en sofrença morala (mas un dels dos melhors de la pola, aprèp Albuga), los de la Vesèra an realisat aquí la partida la mai complèta e la mai rigorosa de la sason, alternant lo jòc al fial del primièr o del segond temps e s'adaptant a l'adversari e a l'arbitre (aqueste deviá segurament trabalhar dins los Servicis Socials per téner, un, lo braç tendut d'una penalitat uèit minutas de temps, e dos, acabar emb un ensag de penalitat !). Una conquista de granda qualitat, Matieu MORAND imbatable dins los aires, Yassine OUALI, Teddy STANEGRIE o Vitaly GAVRYLCHENKO, en primièra linha,an realisat una gròssa performança. Mas cal citar tots los jogaires tant faguèron montar lo nivèu de jòc d’aquela partida digna d'una bona Segonda Division.
De notar l'acuèlh irreprochable de l'U.S.B. Val Dordonha, qu’aviá notat los petits plats dins los grands per recebre e enquadrar aquel rencontre, jos l'uèlh sospechós e invisible de la FFR.
PLB
|
