|
Descobrissètz en clicar sul bendèl cinemà çai-dessús :
« Albuga e lo Gorg del temps »
Lo film del « Périgord Raid Aventure 2008 »
De l’espòrt, de l'accion, de suspens e de l’estrementida...
|
A LA CONQUISTA DE L'ESPASA D'ALBUGA
Lòrs de la darrièra setmana d'agost de 2008, lo « Périgord Raid Aventure » a pres
sos quartièrs dins un camping d’Albuga per aculhir 144 joves de 14 a 16 ans venguts
de tota l'Euròpa e lor ofrir una caça al tresaur grandor natura dins las valadas
de la Vesèra e de la Dordonha. En amont, tots los itineraris son reperats e mai
desbodigats en plena natura per l'equipa del servici dels espòrts del Conselh General
de la Dordonha e tot un scenari es imaginat par Tierrí Félix, autor de bendas dessenhadas
inspiradas d'istòrias e de legendas localas. Per aquela edicion 2008, que se debanèt
jos un solelh ideal, los participants fuguèron convidats a se lançar a la recèrca
de l'espasa de la celèbra tribú d'Albuga, en desnisant puèi en deschifrant una tièra
d'amfòras marcadas de signes cabalistics plan ancians. Lo tot a pè, en VTT, en tirolesa
o en jogar als espeleològs, amb l'eficacitat d'un comandò mas dins un pur esperit
ecologic. Lo Conselh General de la Dordonha desvolopa de fach dempuèi tretze ans
aquela espròva unica en son genre d'un cap a l'autre del Perigòrd per fin que los
joves pòscan conéisser, aimar e donc apréner a preservar los fabulós sitis naturals
que son amenats a explorar, totjorn per de camins de travèrsa, lonh dels grands
axes. Atal aquel raid, 13èma del genre e europenc pel quatrième còp, s'impausa coma
l'eveniment far del programa d'activitats de plena natura iniciat e desvolopat per
lo departament de la Dordonha per valorisar e protegir son excepcional patrimòni
natural.
Sofia Cattoire
Remerciements
La Ville du Bugue
Le Gouffre de Proumeyssac
La Roque Saint-Christophe
La Grotte du Sorcier
La Grotte de Bara-Bahau
Camping Les 3 Caupain
Foies gras Grolière
Canoëric
Périfruit
|
