www.albuga.info - ALBUCAVALLISCUSTOS

ALBUCA MERCATUS CUSTOS
Albuga velha sus son mercat

Lo Rei de França, Felipe V Lo Long, aviá segurament pas las idèias cortas. Son reinatge fuguet cort – 6 ans, de 1316 a 1322 – mas capital. Quò’s el, en efect, que instaurèt lo dimarç jorn de mercat a Albuga e aquò, perpetualament. Un acte politic màger, et per tot dire, reial, gravat a la pluma d’auca e frapat d’un sagel, de Sire, plan segur. Quel document, qu’a viscut aquels set darriers siècles suausament, ven d’èsser reproduit e fòrt polidament illustrat, sus una ceramica esmaltada, inaugurada jos lo mercat cobèrt de Albuga, lo 17 de junh de l’an de Gràcia 2006.

L’autor d’aquela gravadura sus cerame, realisada ambe lo suènh e la malícia dels secrets de l’Edat Mejana, es Francís Pralong, principal de collègi a la retirada e ceramiste inveterat. A fondat, vaquí 35 ans, lo club de ceramica de Moissídan, amb Abel Coustillas, que demòra lo darnier terralhièr de la Dobla. Vaquí, en exclusivitat, çò que s’es vertadièrament passat :

Abel Coustillas a adobat los carreus de cerame, Francís Pralong a imaginat e dessenhat los motius, Maurice Biret a reproduit lo tèxte original en letras goticas e a la dimension volguda e quò’s Valeria Mappa qu’a realisat las cosesons, la del blanc, uèit oras a 980°, puei la de l’esmalt – pausat en mai d’un lièch afin d’obténer de las transparenças – 6 oras, a 750°. Tots an trabalhat benevòlament, e, mai grèu enquera, reconnaissan i aver prés belcòp de plaser...

S ‘agís, aquí, d’èsser precís, que, dins 700 ans, quand nòstres descendents cercaran l’origina de quela òbra, meravilha del mercat, tots nòstres secrets de fabricacion, e nòstres quites abilhaments, nòstre biais de parlar, seran tant de curiositats delectables, coma lo son per nosautres las enluminaduras de l’Edat Mejana, que l’artiste se’n es inspirat. Finissem totjorn per èsser l’enluminat de l’istòria, quò’s nonmàs una question de temps.

I a darrier tota aquela operacion, un clan, lo dels ancians d’una certana promocion de l’Escòla Normala de Perigüers, qu’an fait los 400 còps ensemble, autres còps, avant de venir d’onorables professors, principals d’establissaments o quitament cònsol màger. Faliá qu’aquò fuguesse dit afin de mielhs decriptar las petitas scènas que, d’ara enavant, e per l’eternitat, ornaran lo mercat. Reconeisseretz sens mal, lo cònsol màger, Gérard Fayolle, a las crotz d’Òc que ondran son ajust e a son eissarpa tricolòra. A gaucha descrubiretz Miquèl Martin, regent e psicològ scolari, representat au mieg de sos escolans. Per la resta, lo Francís Pralong nos a fait qualquas revelacions que vous sufirà d’escotar au fial de nòstres reportatges. Bon mercat et que la memòria de nòstre Rei maudit e per tròp oblidat, Felipe Lo Long, Rei de França e de Navarra, donc, siá benesida per totjorn.

Sofia CATTOIRE

Ndlr : Nous reproduisons ici l’original de ce texte fondateur, édité en l’an du Seigneur 1319, par Philipe V Le Long, Roi de France et de Navarre.

hilippe, par la grâce de Dieu, Roi de France et de Navarre, faisons savoir à tous présent et à venir que, comme notre cher et feal chevalier Pierre de Galard, maître de vos arbalétriers, nous eut instamment supplié de vouloir bien fixer au mardi de chaque semaine un marché qui se tenait irrégulièrement tantôt un jour, tantôt un autre, dans sa ville du Bugue, sénéchaussée de Périgord, nous eussions ordonné de nous informer si ce changement pouvait se faire, sans préjudice ni dommage pour nous, tout autre, ou les marchés voisins, et que nous eussions fait vérifier, par l'enquête faite de notre commandement, sur cet objet, et à nous apportée, qu'il est constant que nul dommage ni préjudice ne peuvent être engendrés, pour nous ni pour les autres, de cedit changement nous avons trouvé bon de concéder, par la teneur de ces présentes et de notre grâce spéciale, le changement demandé, voulant que ledit marché, avec toutes ses conditions d'être, pendant qu'il se tenait irrégulièrement, tantôt un jour, tantôt l'autre, soit perpétuellement tenu le mardi de chaque semaine, dans ladite ville. Et afin que cela demeure chose ferme et stable dans l'avenir, nous avons fait apposer notre seau à ces présentes lettres, sauf notre droit et celui d'autrui en toutes choses.

Fait à Braie sur Seine, l'an du Seigneur mil trois cent dix neuf, au mois de novembre.

Philippe Cinq le Long
Roi de France 1316-1322