DESILLUSION A BLÀIA PER L' A.S.B.B.

Malgrat qualquas intencions de jòc, los jogaires d’Albuga tombèron els meteis dins lo vespièr girondin, en desjogar o en préner lo match al revers. Los jogaires de Blàia an presentat una equipa valenta e tarriblament motivada, mai que mai quand se trobèron amb 4 punts d'avança, amb lo vent dins l’esquina. Un dròp mancat de pauc, quatre penaltòcas abocant a 20 centimètres de la tèrra promesa, dos ensags vendemiats, una conquista d’unes còps a quicòm pròpche, los Blu-e-Blanc (en malhòts roges per l'ocasion) an mancat lor partida prèp de l'estuari.

Tot-parier, ren es jogat per la primièra plaça, totjorn plan arrapada a las sandalas d’Albuga.

PLB