La cronica d’Alan Bernard

E se l’ecologia dins lo jornalisme quo èra lo respèct de la natura umana ? Que siá per reculir lo raconte del mites fondators del pòples de Burundi, lor cosmogonia, de la quita boca de lors mainatges, o de se far l’ambassador de chormalhas d'escavaires de Perigòrd negre, pivelats per lor anteïstòria tan prompta a trissar fòrça pretenduts sabers, l'Alan Bernard es una d'aquelas plumas que nos tòrnan petaçar amb la granda e nòbla idèia que nos fasèm del jornalisme. Testimonhar, e pas nonmàs çò pièger, obrir una fenèstra sus las belas amnas tanben, dins l’escota e la fraternitat. Quò es amb jòia que publicam en aquel brave estiu de 2012 sa prumièra contribucion per www.albuga.info, la prumièra d’una tiera de cronicas ont totjorn lo fuòc sacrat menarà sa pluma aluserpida. Benvenguda demest nosautres, mon plan car confraire.

Sofia Cattoire