LO PRUMIÈR DE POLA A LAS CASTANHAS, PLAT DE SASON INDIGÈST PER LO PASSATGE D'AGEN

ALBUGA MARCA FÒRT DEFÒRA E CAVA L'ESCART AL CLASSAMENT

Lo voiatge al Passage d'Agen fuguèt pas una permenada de prima, mas la rencontra rebatèt pr’aquò la calor ambienta. La distribucion de castanhas dins lo segond temps seguissèt menimosament las tradicions del periòde annadièr.

Lo prumièr temps balhèt pas vertadièrament de ganhant, si que non los Blus aux punts (5 a 0). Belcòp de balons perduts en cors de rota o de marridas causidas, fòrça tròp, fàcia a una equipa agressiva que voliá « se far » lo prumièr de la pola. Dins lo segond temps, Albuga montèt son nivèu de juòc en s’apiejar sus sas fòrças abitualas, amb un pauc mai de balons portats, una tòca enquera reiala, mai d’implicacion e d'’enveja, e laidonc los ensags s'addicionèron amb las penalitats de Vasquez que concretisèron una dominacion logica. L'arbitratge a geomètria variabla ajudèt pas a la clartat dels debats. Mas au credit d’Albuga, fau dire qu'es sovent dificil de sortir grandit contre de las equipas feblas. Pr’aquò, la marca serà lorda per una rencontra jogada defòra (8 à 32) e Albuga cava l'escart al classament, en conservant sa prumièra plaça invencida.

PLB