Fotòs de l'article Estampar l'article Somari Barratz aquela fenèstra Estampar l'article Somari

ÈSSER TOT AL CÒP ZEN E CAUD BOLHENT, LA QÜADRATURA DE L'OVAL DEL JOGAIRE DE RUGBÍ

Ieu que descobrissi, partida aprèp partida, la vertiginosa complexitat de las règlas del rugbí, me meravilhi quand apareis, al milen de segonda, l’esclaire d’engenh dau jogaire que, en tot integrar l'ocean dels interdits e l'infinit de las combinasons del jòc collectiu, ensaja una accion espectaclosa, que suspren l'equipa advèrsa… mas pas sos equipiers, e vai jusca a l'ensag, qu’auriái tot-parier pusleu tendéncia a sonar « l' esplech » compte tengut de las circonstàncias. Aquí, demòri enganada, per çò que la creativitat instantanèa dins un trajècte a quel punt balisat es una fòrma d'intelligéncia per lo mens fulguranta.

Parièras voladas damandan en realitat de talents conflictuals juxtapausats : aver páur de ren, se ronçar dins lo pilòt mas… tot en damorant zen e lo det sus la cordura du shòrt, mai d’un còp relevat coma per dire : Of ! I sei arribat ! Sabetz, aquel petit regussament de bas vèrs lo naut, coma per se tornar botar las idèas en plaça que se vei aprèp las gròssas ànsias.
Tot aquò per dire que lo dimenge 28 d’octobre 2007, sus lo prat ensolelhat de l’estadi Renaud Cruveiller a Albuga, òm a ‘gut caud, manca de zen justament.
Partits en bon ordre en prumièr periòde, amb una finessa e una furtivitat remirablas, los d’Albuga, fàcia als jogaires de Fijac, reputats per balhar la plena mesura de lor talent al segond acte – noirits precisament de lor facultat d'adaptacion al jòc de l'adversari – an mancat se laissar debordar, ligant las imprecisions e las fautas, dins una atmosfèra de règlament de compte al dedins quitament de lor clan que auriá pogut lor èsser fatal…
Ermetics a las consignas de lor capitani, tot-parier fin estratèg e totjorn mèstre de se, an jogat afogadament juste aprèp los citrons dins lo camp advèrse sens préner lo temps de causir una melhora adreça. Talament bien que los tres ensags magnifics marquats dins lo primièr temps per Jiròni Chalard, Jiròni Peloux e Yacine Ouali manqueron de se far enterrar jos l’afògament retrobat dels jogaires d’Òlt. La marca finala, 29 a 22, laissa los d’Albuga victoriós mas pas forçadament asuausats.
Caldrá apréner a èsser metodics e sodats, zen e caud tot al còp, tanleu qu’entran sus lo terren, prèstes a dintrar dins la mecanica celèsta del rugbí vengut en Federala 2 naturalament enquera mai ambiciosa.

Sofia Cattoire

LO MESTRITGE DE SE, UN ART DIFICIL

ALBUGA / FIJAC
Campionat Rugbí, Federala 2, lo 28 de octobre 2007
Marca : 29 a 22

Albuga : 4 ensags, Jiròni Chalard (2'), Jiròni Peloux (6'), Yacine Ouali (18'), Ludovic Croiset (54'). 3 transformacions d'Antòni Vasquez (6',18',54'), 1 penalitat de Vasquez (13'). Fijac : 1 essai, Sibot (69'). 1 transformacion  de Giraud (69'), 5 penalitats de Giraud (16',46',58',71',75').



Un primièr temps a sens unic en favor dels jogaires d’Albuga, viroletats, manifestant una conquista de granda qualitat e de las intencions de jòc coma a l'entraïnament, reüssidas la màger part del temps, amb plan pauc de balons laissats à l'adversari. Los de Fijac, qu’avián pas grand cuer a mòler, van se contentar d'alargar los rares balons grapilhats aicí o alai. Resultat : dos ensags d’Albuga partits de davant e concretisats darrièr per Chalard (2') e Peloux 6'). E aquò’s Ouali, davant, amb una charja que a lo secret, que aplatirá lo cuer per un tresen ensag, aprèp un balon ganhat en tòca a la 18'. A la pausa, amb una penalitat d'Antòni Vasquez, la diferéncia es pas cara pagada per los visitors de Òlt al uèlhs de las intencions d’Albuga que aurián meritat un total mai lord.

Segond temps en sens contrari que vei los d’Albuga pèrdre pauc a pauc lor avantatge a la marca, en perdent contact amb lo balon e en rendent un nombre important de balons a l'adversari. Qualques presents oferts a Fijac ben avant las fèstas de Nadau, acceptats de bon còr per l'excellent jogaire cargat de marcar de Òlt Giraud, e la partida cambia d’èime amb una fin relativament crispanta qu'òn auriá jamai imaginada a la pausa.
A un brave ensag de Ludovic Croiset jos las pergas, los de Fijac respondan amb quatre penalitats signadas per lo jogaire cargat de marcar 100% nomat Giraud e un ensag del remplaçant Sibot, transformat el tanben, balha una marca en definitiva pro sarrada, benleu per bien marcar la vertadièra qualitat dels visitors que aurànt en definitiva passat nonmàs un temps jos l'atudador d’Albuga.

PLB

Le coffret luxe du Grand film de la Victoire :

« Les Chevaliers d’Albuga à la Conquête du Bouclier » est disponible au Bugue :

  • au bar Le Sporting
  • à la Librairie de l’Hôtel de Ville du Bugue, siège des éditions PLB
  • à l'Intermarché du Bugue
  • à la Boutique des Musées
    vous pouvez également nous adresser le bon de commande ci-dessous
     
  • DVD Des 1600 photos de légende :

    Ce DVD a été conçu pour être lu sur votre ordinateur et vous donne la possibilité d'imprimer chacune des 1638 photos en haute qualité.

    15 € pour 1638 photos : un véritable cadeau d'albuga.info.

    Vous pouvez commander
    le DVD des 1600 Photos de légende :
    15 € + 3 € (frais de port) soit : 18 €
    le coffret luxe du film DVD
    « Les Chevaliers d’Albuga à la Conquête du Bouclier »
    35 € + 3 € (frais de port) soit : 38 €
    les deux DVD 1600 photos + coffret luxe film DVD 15 € + 35 € + 3 € (frais de port) : 53 €
    BON DE COMMANDE à imprimer

    Copyright (c) Ferrassie-TV 2007 - 5/11/2007 Fotòs | Somari