Lo resumit del match per nòstre confraire PLB :
Malgrat lor superioritat perceptibla dins la conquista, l'ocupacion del terren,
lo jòc davant e la vivacitat darrièr, los jogaires d’Albuga devon far fàcia a una
defensa sarladesa omnipresenta, al ras e al large, sus laquala los visitors s'ajudan
per far qualquas relanças que auràn pas d'autra consequéncia que de téner la marca
verge de longas minutas de temps. Lo rotlèu compressor d’Albuga, a fòrça de gropats
penetrants ben trabalhats, desflòra lo planchòt a la 17èma minuta gràcia a Francés
Bourgeois, lo novèl jogaire cargat de marcar los còps de pè de l'equipa ; Lo primièr
ensag arriba a la 35èma minuta, aprèp penaltòca. Es portat per Yassine Ouali e tot
son pack dins l'en-but jusca a la tèrra promesa e una transformacion per Francés
Bourgeois dempuèi lo bòrd de tòca. Lo primièr temps aurà vist un gròs trabalh del
pack avant blu e blanc e un Maxim Chalon, imperial a la bagueta, sasissent totas
las ocasions per accelerar lo jòc e trasmetre a sa linha de tres quarts que a de
fuòc dins las cambas.
Marca a la pausa : 10 a 0, çò qu’es pas plan car pagat per los Sarladés, vist l'ocupacion
territoriala plan neta de los d’Albuga.
Dins lo segond temps, los Sarladés se tòrnan far la cerièra amb un « coaching »
judiciós e una linha de tres quarts completament retrobada, de cambas de fuòc extrèmament
perforantas e un mental renaissent. Faliá que fuguesson dominats a la marca e territorialament
per se tornar far una segonda jovença ? Totjorn es que nos gratifica d'una tièra
d'ofensivas enòrmas, reversantas, que aurián segurament meritat qualqua traduccion
al planchòt. Tot-parier l'implacabla defensa d’Albuga es aquí, que galòpa pertot
sur lo prat per entravar las èrsas advèrsas e mielhs enquera tornar aquel afògament
a son avantatge. Sus un enièma temps de jòc de Sarlat que s’acaba al 22 mètres locals,
lo balon recuperat per los Blus e Blancs se tòrna trobar, aprèp una seria de passa,
entre las mans de Damien Marty que remonta tot l’espaci de jòc coma una flècha e
vai se pincar al mitan de las pagèlas ! Lo public d’Albuga explòsa de jòia dins
las tribunas ! En despiech d'una granda valentisa e d'un mental a tota espròva,
a 7 minutas de la fin, 17 a 0 demorarà una diferéncia insuperabla per los Sarladés,
lo match es plegat.
Per lo primièr còp dempuèi mai de 40 ans, Albuga bat Sarlat e ven la novèla jos-prefectura
del Perigòrd Negre !
PLB
Commandez le DVD de la Finale du Championnat de France
Fédérale 3
|
