|
Cranhián çò pièger dins lo camp blau e blanc avant aquela partida programada
plan lèu aprèp las Festas. Los Corresians, els, avián plan digerit e esperavan
los Perigordins a pè fèrm. E aquò’s plan per lo pè que venguet lo debanament
d’aquela partida, doas penalitats e un còp de pè tombat contra doas penalitats
del capitani Vasquez. Fin finala, los mai motivats ganheron la partida, e
aquò’s fuguèt la prumièra desfacha d’Albuga dempuèi lo començament de la sason
(9 a 6). Aprèp una entamenada extrèmament engatjada de la part dels locals que
jogavan lor subrevida en Tresena division, nòstre monde de la Vesèra tornèron
emergir e, fin finala, fuguèrem pas luènh del match nul. Damatge.
PLB
|
