|
Aquò’s fait !
Aprèp la magnifica victòria contra Isle a l’ostal 50 a 6 e la desfacha del segond, Senta Fe, a Tula lo meteis jorn, los d’Albuga son assegurats d’acabar primièrs de la pola 3 Sector Sud Oest. Se sap qu’aquela plaça al classament es sinonima d'accession directa a l'estatge superior, a saber la Segonda Division.
Lo rencontre Albuga/Isle fuguèt incontestablament un dels mai interessants de la sason, amb la bagatèla de set ensags e lo terciat ganhant de Mickaël ALBIE : 3 ensags a el tot sol ! Vitaly GAVRYLCHENKO, nòstre internacional ucranian, a el tanben prés part a la fèsta en marcar lo seu, plen de volontat coma a son abitud. Ian VINETTE, Jiròni CHALARD e Felip LATHIERE an tornat ajustar lo seu dins d’estiles diferents. Antòni VASQUEZ, lo metronòm, a completat lo planchòt amb doas penalitats e sièis transformacions.
L'esperit ara desgatjat, l'A.S.B.B. voldrà complir los matchs de pola en anar conquistar lèu Lalinda e Brajairac sus lors tèrras.
PLB
|
